PELITA

PELITA 

 

27 Maret 2023; 

Tampa par pulang 

Bukan tampa par kas patah tulang 

Tampa par kas rame 

Bukan tampa par kas bale 

Tampa par silaturahmi 

Bukan tampa par baku gigi 

Tampa par katong tumpa kasih sayang 

Bukan tampa par saling sindiran 

 27 Maret 2023; 

PELITA su manyala 

Hijau Toscha su berkibar 

Pendekar, Samar Merah, Fajar Rimba, Benteng, deng Dua Galaxy su badiri 

Beta bisa pastikan 

Ale mati rasa 

Ale mati badiri 

Terakhir, ale kembali hidup deng cinta bara api di PELITA 

Seng perlu babakar deng kayu lenggua par kas basar api 

Karena su ada PELITA 

Seng perlu cari kasih sayang di Hila, Amantelu, Tual, Pelauw, Hualoy, deng Olas 

Karena su ada di PELITA 

Seng perlu ke Sepa, Tual, Kamal, deng Geser par cari Nuri, Flamenggo, Merpati, Butterfly, Cendrawasih, Kokon 

Karena su ada di PELITA 

Seng perlu ke Korea par nikmati Salju deng Embun, ke Tulehu par mandi air Panas deng Dingin, ke Binaiya par lia Kabut, Berawan, Rembulan, Mentari deng Pelangi, ke luar angkasa par dengar suara keras Guntur deng Halilintar 

Karena di PELITA, Cuaca selalu Cerah bukan Gerimis, Kemarau serta Mendung 

Seng perlu pake tembok cina par kas kokoh cinta deng kasih sayang 

Karena di PELITA su ada benteng Cocordian, Holandia, Amsterdam, Belgica, Beverwijk, Kapahaha, Leiden, Duurstede, Victoria, deng Salamon 

Terakhir, PELITA bersama alam semesta melahirkan dua Galaksi The Rose yang berada di rasi bintang Andromeda 

 Kahena, 27 Maret 2023 

#Titik_Jenuh